အိန္ဒိယ မနက်စာ အစားသောက်ဖြစ်တဲ့ ဒိုဆာလို့ခေါ်တဲ့ တိုရှည် လေးပါ။ တိုရှည်ကို ခရမ်းချဉ်သီး ချပ်တနီ၊ ပဲနှစ် တို့နှင့် တွဲစားတာ များပါတယ်။ ၀တ်ရည်ခုလုပ်ထားတာကတော့ မာဆလာ တိုရှည်လို့ ခေါ်တဲ့ အာလူးမာဆလာချက်ကို တိုရှည်နဲ့လိပ်ပြီ စားတဲ့ လုပ်နည်းလေးပါ။ တိုရှည်ကို အရင်ကလည်း အရမ်းကြိုက်ပါတယ်၊ ဒါကြောင့် တိုရှည်ဗန်းဝယ်ပြီ ကိုယ်တိုင်ပဲ လုပ်စားလိုက်တာ အိမ်လုပ် တိုရှည်ကလည်း ကြွပ်ရွပြီ အရမ်းစားကောင်းတာမို့ ချက်နည်းလေးပါ မျှဝေပေးလိုက်တယ်နော်…
တိုရှည် အတွက် ပါဝင်ပစ္စည်းများ
ဆန် – နို့ဆီဗူး ၂လုံး
မတ်ပဲ – နို့ဆီဗူး ၁လုံး
ကုလားပဲ – နို့ဆီဗူး ၄ပုံ၁ပုံ
ဇီယာ – လက်ဖက်ရည်ဇွန်း ၁ဇွန်း
နံနံစေ့မှုန့် – လက်ဖက်ရည်ဇွန်း တ၀က်
ဆား – လက်ဖက်ရည်ဇွန်း ၂ဇွန်း
ရေ
တိုရှည် လုပ်ရန် ပြင်ဆင်နည်း
၁။ အရင်ဆုံး ဇလုံတစ်ခုထဲသို့ (ဆန်၊ မတ်ပဲ၊ ကုလားပဲ) တို့ကို ရောထည့်လိုက်ပြီ ရေစင်အောင် ၆နာရီကြာအောင် ရေစိမ်ထားပေးပါ။
၂။ ၆နာရီကြာစိမ်ပြီလျှင် (ဆန်၊ မတ်ပဲ၊ ကုလားပဲ) တို့ကို ကြိတ်စက်ထဲ ထည့်ကြိတ်ပါမည်။
၎။ အရင်ဆုံး (ဆန်၊ မတ်ပဲ၊ ကုလားပဲ၊ ဇီယာ၊ နံနံစေ့မှုန့်) တ၀က်ကို ကြိတ်စက်(Blender) ထဲပြီ ရေကို မြုပ်ရုံထည့်ကာ မုန့်ရည် ရသည်အထိ ကြိတ်ပေးပါ။
၎။ ထိုနည်းအတိုင်း ကျန်တ၀က်ကို ထပ်ကြိတ်ပေးပါ။
၅။ တိုရှည်လုပ်ရန် မုန့်ရည်ရပြီဆိုလျှင် ထိုမုန့်ရည်ကို အခန်းအပူချိန်နဲ့ အချဉ်ပေါက်အောင် တညသိပ်ထားရပါမည်။
မှတ်ချက် ။ ။ အချဉ်ပေါက်အောင် Yeast (လက်ဖက်ရည်ဇွန်း တ၀က်) ထည့်လျှင် ပိုကောင်းသည်။
၆။ မုန့်ရည်များကို တညသိပ်ပြီလျှင် တိုရှည် စလုပ်လို့ရပါပြီ။ တညသိပ်ပြီမှ ဆား(လက်ဖက်ရည်ဇွန်း ၂ဇွန်း) ထည့်ကာ ရောမွှေပေးပါ။
မှတ်ချက် ။ ။ မုန့်နှစ်ရည်သည် မပျစ်မကျဲ အနေထားတွင် ရှိနေရမည်။
တိုရှည် လုပ်နည်း
၁။ တိုရှည်ဗန်းကို ဆီအနည်းငယ်သုတ်ပြီ ပူအောင် မီးအသင့်တင့်ဖြင့် တည်ထားပါ။
၂။ တိုရှည်ဗန်းပူလာမှ ယောက်ချိုဖြင့် မုန့်ရည် ၁ဇွန်းကို ပုံတွင် ပြထားသည့်အတိုင်း လောင်းချလိုက်ပါ။
၃။ ထို့နောက် ဇွန်းပြားဝိုင်းဖြင့် မုန့်ရည်များ အ၀ိုင်းသဏ္ဍန်ဘေးသို့ ပြန့်သွားအောင် ဖြည်းဖြည်းခြင်း ဖြန့်လိုက်ပါ။
၎။ ပြီမှ ဆီ(စားပွဲတင်ဇွန်း ၁ဇွန်း) အပေါ်မှ ဖြူးပေးပါ။
၅။ ပုံတွင် ပါသည့်အတိုင်း ယောက်မဖြင့် ဆီများ တိုရှည် အနှံ့ပြန့်အောင်လုပ်ပေးပါ။
၆။ တိုရှည် အရောင်ပြောင်းလာပြီ ဘေးသားများ ကြွပ်ရွလာလျှင် အာလူး မာဆလာချက်(စားပွဲတင်ဇွန်း ၂ဇွန်း) ကိုထည့်ပြီ ပုံတွင် ပါသည့်အတိုင်း တိုရှည်ကို တဖက်စီ လိပ်လိုက်ပါ။
ရ။ မာဆလာ တိုရှည်ကို အရသာရှိရှိ သုံးဆောင်နိုင်ပါပြီ…..
အာလူး မာဆလာချက်တွင် ပါဝင်ပစ္စည်းများ
အာလူး – ၈လုံး (နူအောင် ပြုတ်ပြီ အခွံနွှာ၍ အတုံးသေးများ တုံးပေးထားပါ)
ကြက်သွန်နီ – ၁လုံး (နှုတ်နှုတ်စဉ်းပါ)
ပဲခြမ်းဝါ – လက်ဖက်ရည်ဇွန်း ၁ဇွန်းခွဲ (နူအောင် ပြုတ်ထားပါ)
မုန်ညှင်းစေ့ – လက်ဖက်ရည်ဇွန်း ၁ဇွန်း
မာဆလာ – လက်ဖက်ရည်ဇွန်း တ၀က်
ဆနွင်းမှုန့် – လက်ဖက်ရည်ဇွန်း တ၀က်
ငရုတ်သီးစိမ်း – ၄ထောင့်
ငရုတ်သီးနီခြောက် – ၅ထောင့်
ကလဝေရွက် – ၆ရွက်
ဆား – လက်ဖက်ရည်ဇွန်း ၂ဇွန်း
ချက်ပြုတ်နည်း
၁။ ဒယ်ထဲ ဆီ(စားပွဲတင်ဇွန်း ၃ဇွန်း) ထည့်ကာ ဆီပူလာလျှင် (ကြက်သွန်နီ၊ မုန်ညှင်းစေ့၊ ဆနွင်းမှုန့်၊ မာဆလာ၊ ငရုတ်သီးစိမ်း၊ ငရုတ်သီးနီခြောက်၊ ကလဝေရွက်) ရောမွှေလိုက်ပါ။
၂။ ထို့နောက် အာလူး၊ ပဲခြမ်းဝါ၊ ဆားတို့ကို ထည့်ကာ သမအောင် ရောမွှေလိုက်ပါ။
၃။ အာလူးပြဲအောင် အထိ ရေထည့်ပြီ တည့်ထားပေးပါ။
၎။ ရေခန်းသွားလျှင် အာလူးမာဆလာချက်ကို ရပါပြီ…
source>>>http://www.wutyeefoodhouse.com/?p=3637%2F
